Сахалыы тыыннаах дьылҕабын
Анаабыт эбиттэр айыылар.
Сындаалаах олоҕум аргыһын
Соргулаах үс куту иҥээртэр.
Килбик кут кэрэ кыыс таптала,
Кырдьаҕас кэриэһин сүбэтэ,
Ийэ дьоло, оҕо үөрүүтэ –
Удьуорум салҕанар утаҕа.
Хомуһум алыптаах ырыата.
Олоҥхом уостубат тэтимэ
Иэйиэхсит эҥэрдээх сылдьабын,
Сахалыы нарыммын-намчыбын.
Уйан кутум,сэмэй кутум –
Алаас нарын сибэккитэ.
Модун күүһүм үс кутум –
Саха дэтэр аналым!!!